Իսպանիայի արտաքին գործերի նախարար Խոսե Մանուել Ալբարեսը վստահեցրել է, որ թագավորությունը զորք չի ուղարկի Ուկրաինա։

«Ուկրաինայում իսպանական զորքեր չեն լինի, իհարկե, ոչ։ Իսպանիայի կառավարությունը նույն բանն է ցանկանում Գազայում և Ուկրաինայում՝ խաղաղություն և հարգանք միջազգային իրավունքի նկատմամբ»,- ասել է գերատեսչության ղեկավարը՝ ելույթ ունենալով Պատգամավորների կոնգրեսում (խորհրդարանի ստորին պալատում):

Ֆրանսիայի նախագահ Էմանուել Մակրոնը փետրվարի 26-ին ասել է, որ Փարիզում կայացած հանդիպմանը, որտեղ մոտ 20 արևմտյան երկրների ներկայացուցիչներ քննարկել են Ռուսաստանի Դաշնության հետ հակամարտությունում Ուկրաինային հետագա աջակցությունը, արևմտյան երկրների ցամաքային զորքերի հնարավոր ուղարկման թեման է քննարկվել։ Նրա խոսքով, մասնակիցներն այս հարցում կոնսենսուսի չեն հանգել, սակայն ապագայում նման սցենարը չի կարելի բացառել։