Եվրոպան պետք է ավելի էական դեր խաղա Ուկրաինային աջակցելու գործում՝ չմերժելով այդ երկրին օգնելու հնարավոր տարբերակները, Չեխիայի և Ֆրանսիայի նախագահների դիրքորոշումներն այս հարցում համընկնում են, ասել է Չեխիայի նախագահ Պետր Պավելը Ֆրանսիայի նախագահ Էմանուեալ Մակրոնի հետ Պրահայում կայացած բանակցությունների ավարտին։

«Ֆրանսիայի նախագահի հետ մեր տեսակետները համընկնում են, որ Եվրոպան պետք է ավելի նշանակալի դեր խաղա Ուկրաինային օգնելու գործում: Գործելով միջազգային իրավունքի շրջանակներում՝ մենք չպետք է փակենք Ուկրաինային աջակցելու հնարավորությունները: Ես կողմ եմ նոր ուղիներ փնտրելուն: Մենք չենք խոսում Ուկրաինա մարտական ​​ստորաբաժանումներ ուղարկելու մասին, քանի որ այս դեպքում կարելի էր հատել տխրահռչակ «կարմիր գիծը»: Բայց այս մասին խոսք չեղավ, մենք խոսում ենք օգնության մասին»,- ասել է Պավելը։