Ռուսաստանի հավաքականի և «Ռեալ Սոսյեդադի» կիսապաշտպան Արսեն Զախարյանը պատմել է, թե ում դեմ է խաղալն ամենաբարդը եղել իսպանական ակումբի կազմում։

«Հիմա Լա լիգայում բոլորի դեմ բարդ է խաղալ։ Ամենաբարդը Հակիմիի հետ մրցակցությունն էր Չեմպիոնների լիգայում։ Նա ամենաարագ ֆուտբոլիստն է։ Նրա դեմ խաղալը բարդ էր»,- 20-ամյա ֆուտբոլիստի խոսքերը մեջբերում է Sport24-ը:

Արսեն Զախարյանը 2023 թվականի ամռանն է Մոսկվայի «Դինամոյից» տեղափոխվել Իսպանիա: Լա լիգայի ընթացիկ մրցաշրջանում հայ ֆուտբոլիստն անցկացրել է 20 հանդիպում, դարձել 1 գոլի և 1 գոլային փոխանցման հեղինակ։