Բժիշկը մատնանշել է ինսուլտի և սրտի կաթվածի ախտանիշների տարբերությունը
Սրտի կաթվածի և ինսուլտի առաջին նշանները զգալիորեն տարբերվում են միմյանցից, սակայն երկու պաթոլոգիաներն էլ անհապաղ բժշկական ուշադրություն են պահանջում, զգուշացրել է սրտաբան Տատյանա Պելագեինան։ Նա «Բժիշկ Փիթերի» հետ զրույցում մատնանշել է ախտանիշների տարբերությունը։
Բժշկի խոսքով՝ ինսուլտի հիմնական ախտանշաններն են՝ չկապակցված խոսքը, շարժողական ակտիվության խաթարումը։
Ինսուլտի ժամանակ, շարունակել է նա, մարդն ունենում է ուժեղ գլխացավ, թուլություն, դիմագծերի անհամաչափություն, մշուշոտ տեսողություն, նույնիսկ հիվանդը կարող է կորցնել գիտակցությունը:
Պելագեինան ինֆարկտի բնորոշ ախտանշանն է անվանել կրծքավանդակի ուժեղ ցավը, որը կարող է տարածվել դեպի ձախ թևը, պարանոցը, ծնոտը և ցավ, որը հստակ տեղայնացում չունի: Բացի այդ, սրտի կաթվածի ժամանակ հիվանդները ունենում են աննորմալ սրտի հաճախություն, սրտխառնոց, թուլություն, շնչառության շեղում, փսխում և ուշագնացություն:
Հարակից նյութեր
