ARENA-բլից. «Չտեսություն է ոչ թե գեղեցիկ ոտքերը մերկացնելը, այլ դրա վրա զարմանալը ». Գայա Արզումանյան
ArenaNews.am կայքի ավանդական շարքում այս անգամ բլիցել է երգչուհի Գայա Արզումանյանը:
-Եվ այսպես, Գայա, սկսեցինք,
Ո՞վ է Ղարաբաղա նախշուն բաջին, երբ Գայան նոմինացված չէ:
-Իրականում դժվարանում եմ պատկերացնել , եթե կենդանի լիներ Արև Բաղդասարյանն , ապա հենց ինքը:
–Քանի՞ սանտիմետր պետք է լինի իսկական հայ աղջկա կիսաշրջազգեստը:
-Բեմում մաքսիմում կարճ, առօրյայում ավելի երկար:
-Եթե Գայան բեմում է, հանդիսատեսին չի մնում այլ բան, քան…
-Վայելել լավ երաժշտություն կամ լիաթոք ուրախանալ:
–Ու՞մ եք առաջինը պատկերացնում «Սարգսյան» ազգանունը լսելուց հետո:
-Առաջին տիկին Ռիտա Սարգսյանին:
–Ի՞նչ կարելի է անել տանը մենակ:
-Իմ դեպքում զգեստապահարանը կարգի բերել:
–Մի բան, որով Ղարաբաղն էապես տարբերվում է Հայաստանից:
-Մաքրությամբ, մաքուր օդով և պարզ բնակչությամբ:
–Քանի՞ տղամարդու կոտրած սիրտ կա Ձեր խղճին:
-Դժվարանում եմ , չեմ կարող հաշվել:
-Քանի՞ օր կապրեք 100 հազար դրամով:
-Մի քանի օր կամ մի քանի ժամ:
–Հայկական շոուբիզնեսում ամենատաղանդավոր երգիչը..
-Տաղանդավոր երգիչները ՝ Ռազմիկ Ամյան,Սոնա Շահգելդյան:
-Չտեսություն է գեղեցիկ ոտքերը մերկացնե՞լը, թե՞ դրա վրա զարմանալը:
-Կարծում եմ՝ դրա վրա զարմանալը:
-Պար կյալ գյուդու՞մ եք:
-Հա բա վունց:
-Գիրք, որը խորհուրդ կտաք կարդալ:
-«Լիդեր»:
-Մի անգամ ասել եք, որ ադաթներով մեծացած աղջիկ եք, նշեք հայկական ավանդույթներից Ձեր ամենասիրելին:
-Գլուխլվա:
-Ձեզ հասցեն լսած ամենատարօրինակ սուտը:
-Որ ունեմ հարուստ սիրեկան:
-Վերջին մարդն, ում հետ խոսել եք այսօր հեռախոսով:
-Ընկերուհուս հետ եմ խոսել:
-Պաղպաղակը՝ վանիլային, թե՞ շոկոլադե:
-Մրգային:
–Քանի՞ անգամ կարելի է կրել նույն զգեստը:
-Երկու կամ երեք:
-Ձեզ մշտապես ուղեկցում է «համարձակ երգչուհի» եզրույթը, ի՞նչն է Հայաստանում համարձակ համարվում:
–Չեմ կարծում՝ այն, ինչ անում եմ համարձակության հետ կապ ունի, արտիստ եմ, ով ազատ է և բեմում և բեմից դուրս:
Հարակից նյութեր
