Մի քանի պարզ քայլեր կօգնեն նվազեցնել աղ օգտագործելը, ասել է սրտաբան Էթերի Կոլեսնիկը։ Բժիշկը «Вечерная Москва»-ի հետ զրույցում քիչ աղ ուտելու արդյունավետ միջոց է բացահայտել:

Կոլեսնիկը նշել է, որ միջին վիճակագրական մարդն օրական երկու անգամ ավելի աղ է օգտագործում, մինչդեռ դրա սահմանափակ օգտագործումն օգնում է նվազեցնել արյան ճնշումը։ Այն նվազեցնելու համար թերապևտը խորհուրդ է տվել ուտելիք գնելիս ընտրել աղի ցածր պարունակությամբ կամ առանց աղի տարբերակներ:

Բացի այդ, բժիշկը խորհուրդ է տվել նախապատվությունը տալ թարմ կամ սառեցված բանջարեղենին, ձկանը և մսի ոչ յուղալի կտորներին։ Նաև, ըստ Կոլեսնիկի, հարկավոր է ռեստորաններում քիչ սնվել կամ խնդրել ճաշատեսակին քիչ քանակությամբ աղ ավելացնել։

Թերապևտը նշել է, որ անհրաժեշտ է ընթրիքի սեղանին աղաման չդնել և բանջարեղենի, հացահատիկի կամ մակարոնեղենի պատրաստման ժամանակ ջրի մեջ աղ չավելացնել: Դրա փոխարեն կարելի է օգտագործել համեմունքներ և բույսեր։

«Բայց նախքան ճաշատեսակի մեջ համեմունք ավելացնելը, ուշադիր կարդացեք բաղադրությունը: Պատրաստի համեմունքների խառնուրդները, որպես կանոն, աղ են պարունակում: Ուտեստների սովորական համը կփոխվի»,- զգուշացրել է Կոլեսնիկը։